اوعى تحمل اللعبة دى على موبايلك – auto grand mafia
معلومات عن لعبة auto grand mafia
| اسم اللعه | auto grand mafia |
| نوع اللعبة | العاب مغامرات – عالم مفتوح |
| حجم اللعبة | 100 ميجا |
| الاصدار الرسمي | من متجر جوجل بلاي |
| متطلبات التشغيل | 5.0 والأحدث |
| عدد مرات التحميل من متجر جوجل بلاي | +50,000 |
قصه لعبة auto grand mafia.
اللعبه عباره عن لعبه مهمات قصه اللعبه بتبدا بالمجرم اللى انت المفروض بتلعب بيه , واول م بيدخل اللعبه بيبدا اتصال من شخصيه اسمها جولى وبتتكناله خظ جيد , بعد كدا بيبدأ يركب العربيه ويروح للاماكن اللى بتظهر على الخريطه عشان يخلص المهمات المطلوبه منه.
واللعبه بتحتوى على اكتر من 60 مهمه مختلفه وبصراحه المهمات جميله وممتعه ولو فشلت فى اى مهمه بتقدر انك تعيد المهمه مره تانية ودا اللى هيحسسك بمتعه اللعبة.
صور من داخل لعبة auto grand mafia للاندرويد.
ليه متحملش لعبة auto grand mafia على موبايلك.
إلا ان لعبة auto grand mafia تعتبر من الالعاب الممتعه والجميله ولكن فى حاجه فى اللعبه معجبتنيش خالص واللى خلتنى انا شخصيا محبش اللعبة فانا هحيلك تجربتى مع اللعبه دلوقتى.
اول ما دخلت اللعبه بدات تطلب منى انى ادخل رقم الموبايل بتاعى ومكنتش عارف ليه ادخله ولا عارف فى اى وايه السبب اللى ممكن يخلينى ادخل رقم الموبايل بتاعى.
المهم دخلت الرقم واستنيت شويه ودخلت اللعب اللعبة واستمتعت بيها , ومفيش ربع ساعه ووصلتنى رساله بإنك اشترتك فى تطبيق لعبة auto grand mafia بإشتراك يومى وسيتم خصم 2 جنيه يوميا لتتمكن من لعب اللعبة.
بالنسبالى وبالنسبه لاى حد 2 جنيه مش مبلغ ولكن لو حسبته هتلاقى 60 جنيه كل شهر عشان تقدر تلعب لعبه !!
وكمان مش بيجيلك وانت بتكتب رقم موبايلك انك هتشترك فى اللعبه بإشتراك يومى 2 جنيه لا خالص , المهم طبعا لغيت الاشتراك فى نفس الثانية وبردو اخدو منى فلوس تانيه عشان اقدر الغى الاشتراك.
والاكيد انك بعد إلغاء الاشتراك هتحاول تدخل على اللعبه مش هتعرف لأن اللعبة بتطلب منك اشتراك ي إما مش هتعرف تلعبها.
فهيا دى كانت تجربتى للعبه وليك الاختيار بين انك تحملها وتستمتع بيها ولكن هتدفع كل يوم 2 جنيه لو انت مصرى ولو جنسيه تانيه اكير هتدفع مبلغ تانى .